Har lehza hay momin ki nai shan nayee aan
Guftar main kirdar main, Allah ki burhan

Qahhari-o-Ghaffario Quddusio Jabroot
Yeh chaar anaasir hon toh banta hay musalman

Hamsaya-e-Jibreel-e-Ameen, Banda-e-khaaki
Hay is ka nashaiman na Bukhara na badakhshaan

Yeh raaz kisi ko nahee maaloom k momin
Qari nazar ata hay haqeeqat main hay Qura-an

Qudrat kay maqasid ka Ayyar is kay iraday
Duniya main bhi maizan, Qayamat main bhi maizan

Jis sey Jigar-e-Lala main thandak ho woh shabnam
Dariaaon kay dil jis sey dehal jaayein woh toofan

Allama Iqbal R.A