Hamesha dair kar deta hoon main
har kaam karnay mein
Zaroori baat kehne ho
koi wada nibhana ho
Usay aawaz deni ho
usay wapis bulana ho
Hamesha dair kar deta hoon main
Madad karni ho us ki
yaar ke dhaarus bundhaana ho
Bohat dayreena rastoon par
kisi se milney jana ho
Hamesha dair kar deta hoon main
Budaltay mausmon ke sair maein
dil ko lagana ho
Kisi ko yaad rakhna ho
kisi ko bhool jana ho

Hamesha dair kar deta hoon main
Kisee ko maut se pehlay
kisi ghum se bachana ho
Haqeeqat aur thi kuch us ko
jaa kay yeh batana ho
Hamesha dair kar deta hoon main
har kaam karnay mein

Muneer Niazi

Related posts:

1. Kahan Aa Ke Ruknay Thay Rastay By Amjad Islam Amjad
2. Log Kehtay Hain Mein Sharabi Hon
3. Suna hai Log Usay Ankh bhar kay daikhtay hain….