Author Archives: Virdan

Koi Umeed Bar Nahe Aati


Posted by Virdan

Koi Umeed Bar Nahi Ati
Koi Soorat Nazar Nahi Ati

Moat Ka Aik Din Mo-ayeeyan Hai
Neend Kyun Raat Bar Nahi Ati

Agay Ati Thi Hal-e-Dil Pe Hansee
Ab Kisi Baat Per Nahi Ati

Jaanta Hoon Sawab-e-Teyat-o-Zohad
Per Tabiyaat Udher Nahi Ati

Hai Kuch Aisee Hai Baat Jo Chup Hoon
Warna Kiya Baat Ker Nahi Ati

 

Daag-e-dil gar Nazar Nahin Aata
Boo bhi ae Chaaraa-gar Nahin Aati

Hum Wahan Hain Jahan say Hum Ko Bhi
Kuch Hamari Khabar Nahi Ati

Martay Hein Arzoo Mein Marnay Ki
Moat Ati Hai Per Nahi Ati

Kaba Kis Moun say Jao Gay Ghalib
Sharam Tum Ko Magar Nahi Ati

 

Mirza Ghalib


Dil Mein ik Lehar See Uthi Hay Abhi


Posted by Virdan

Dil mein ek laher si utthi hai abhi
Koi taaza hawa chali hai abhi
Dil mein ek laher si utthi hai abhi

shor barpa hai khana-e-dil mein
koi deewar si giri hai abhi
koi taza hawa chali hai abhi
Dil mein ek laher si utthi hai abhi

kuchh to nazuk mizaaj hain hum bhi
aur ye chote bhi nayi hai abhi
koi taza hawa chali hai abhi
Dil mein ek laher si utthi hai abhi

yaad ke be-nishaan jazeeron se
teri awaaz aa rahi hai abhi
koi taza hawa chali hai abhi
Dil mein ek laher si utthi hai abhi

shehar ki be-charaagh galiyon mein
zindagi tujh ko dhoondti hai abhi
koi taza hawa chali hai abhi
Dil mein ek laher si utthi hai abhi

 

 

Nasir Kazmi

 

 


Ab Yeh Sochon To Bhanwar Zehan Mein Par Jatay Hain


Posted by Virdan

Ab yeah sochoon to bhanwar zahan mein par jatay hain

kaisay chehray hain jo milte hain bichar jatay hain

Kion tere durd ko dien tuhmat-e-weerani-e-dil?

Zalzaloon mein to bharay shehar ujar jatay hain

Mousam-e-durd mein ik dil ko bachaoon kaisay???

Taiz andhi mein to khaimay bhi ukhar jatay hain

Soch ka aaina dhundla ho to phir waqt ke sath

chand chehroon ke khad-o-khaal bigar jatay hain

Shidat-e-ghum mein bhi zinda hoon to hairat kaisi???

Kuch diye tund hawaoon se bhi larde jatay hain

Wo bhi kia log hain “Mohsin” jo wafa ki khatir

Khud Tarasheeda asooloon pe bhi urd jatay hain

Mosin Naqvi


Yeh Dil Yeh Pagal Dil Mera


Posted by Virdan

Yeh Dil Yeh Pagal Dil Mera kion bujh gaya awargi
Is dasht mein ik shehar tha wo kia huwa awargi


Kal shab mujhe Be-shakal see awaz ne chunka diya
Mein ne kaha tu kon hai us ne kaha awargi


ik tu ke sadiyoon se mere humrah bhi humnawaz bhi
Ik mein ke tere naam se na-Ashna Awargi


Yeah durd ki tanhayian yeah dasht ka weeran safar
Hum log to ukta gay apni suna awargi


Ik ajnabi jhonkay ne jab poocha mere ghum ka sabab
Sehra ki tapti rait per mein ne likha awargi


Le ab to dasht-e-shab ki sari wastien sonay lagien
Ab jagna ho ga humien kab tuk bata awargi


Kal raat tanha chand ko dekha tha mein ne Khawab mein
“Mohsin” Mujhe raas aye gi shayad sada awargi


Mohsin Naqvi


Log Kehtay Hain Mein Sharabi Hon


Posted by Virdan

 

Log Kehte Hain Maein Sharaabi Hoon
Tumne Bhi Shaayad Yehi Soch Liya Haan …
Log Kehte Hain Maein Sharaabi Hoon

Kisipe Husn Ka Guroor Jawaani Ka Nasha
Kisike Dil Pe Mohabbat Ki Ravaani Ka Nasha
Kisiko Dekhke Saanson Se Ubharta Hai Nasha
Bina Piye Bhi Kahin Had Se Guzarta Hai Nasha
Nashe Mein Kaun Nahin Hai Mujhe Bataao Zara
Kise Hai Hosh Mere Saamne To Laao Zara

Nasha Hai Sab Pe Magar Rang Nashe Ka Hai Juda
Khili Khili Hui Subah Pe Hai Shabnam Ka Nasha
Hava Pe Khushboo Ka Badal Pe Hai Rimjhim Ka Nasha
Kahin Suroor Hai Khushiyon Ka Kahin Gham Ka Nasha
Nasha Sharaab Mein Hota To Nachti Botal
Maikade Jhoomte Paimaanon Mein Hoti Hulchul
Nasha Sharaab Mein Hota To Naachti Botal
Nashe Mein Kaun Nahin Hai Mujhe Bataao Zara
Log Kehte Hain Maein Sharaabi Hoon…


Dard Gar Aadmi Hota


Posted by Virdan

Here is my new designed poetry of Farhat Abbas Shah


Dard gar aadmi hota
To gareban pakar kar kehte
Iss tarha rehtey hain
Be-chain dilon k andar
Iss tarha karte hain Bemaron se

Dil main rehna hy to
Theek se rehna sekho
Hum tumhein sehtey hain
Kuch tum b to sehna sekho
Aik thori si khushi aaiy to Jal jate ho

Dard Gar Aadmi Hota…….

 

Farhat Abbas Shah


Maa Ke Naam


Posted by Virdan

Asslam o Alaikum

Wasi Shah ki ik poetry k sath hazir hon jisay mein ne khud design kiya hy :)

Mothers Day

Yeh Kamyabian Izat Yeh Naam Tum Sey Hai
Khuda Ney Jo Bhi Diya Hai Mukaam Tum Sey Hai

Tumharey Dum Sey Hain Mairey Lahu Main Khiltey Gulab
Mairey Wajood Ka Sara Nizaam Tum Sey Hai

Kahan Bisat Jahan Aur Main Kamsin-o-Nadan
Yeh Mairi Jeet Ka Sab Ahtamam Tum Sey Hai

Jahan Jahan Hai Mairi Dustumni Sabab Main Houn
Jahan Jahan Hai Maira Ahtaraam Tum Sey Hai

Wasi Shah