Kya Tum Bhi Badal Jao Gay!

[FLORENCE]

Channaar kay pairoon talay do pal ko baithain gay,
Jab badlain gee yeh pairhan apna,
Mausam kee badli rutoon kay saath,
Kya tum bhi badal jaoo gay.

Zamanay kay badaltay atvaar kay saath,
Samandar kay kinaaray kuch lamhay hansain khailain gay,
Jab lehrain badlain geen mizaaj apna,
Hawaoon kay rukh badalnay kay saath,
Kya tum bhi badal jaoo gay.

Ma`ashary kee badaltee iqdaar kay saath,
Kissi jangal main jaa kar khoo jaain gay,
Jab jaanwar badlain gay maskan apna,
Garmee aur sardee aanay kay saath,
Kya tum bhi badal jaoo gay.

Mizaaj kay badaltay izhaar kay saath,
Sehraaoon kee rait koo chaan lain gay,
Jab tailay badalain gay ghar apna,
Dhoop kay aanay jaanay kay saath,
Kya tum bhi badal jaoo gay.

Loogoon kay badaltay afqaar kay saath,

KYA TUM BHI BADAL JAAOO GAY...?